ماتيجوا نحب بعض ........

كل واحد هيدخل هيقولى ايه ياعم يعنى ايه ماتيجوا نحب بعض
يعنى كل واحد يشوفله واحده ويقعد يقولها كلام حب وبتاع
ولا ايه النظام هقولك اصبر ياعم انت وافهم كلامى معلشى

اول حاجه ليه يا جماعه انا حاسس معلشى انى مفيش حب بين الاعضاء؟؟
ليه حاسس انى كل واحد مصاحب اتنين تلاته هنا دول صحابه وحبايبه
والباقى ممكن يديله فى وشه لو جه وحب يتكلم معاه
او حتى قال رأيه بحس انى التانى مش طايقه يااما يقول رأيه زى مالاستاذ
كاتب ياما يخرص ويطلع بره هو ده الحب اللى بينكم مش عارف بس والله حاجه
بجد تخنق هتقوليلى اتكتب مواضيع كتير ازاى نتعامل مع بعض
هقولك وشوفتها بس الكل بيقرا الكلام او فيه ناس تدخل ومابتقراش حاجه
وولا بتعمل بكلمه من اللى اتكتب فى اى موضوع

هو احنا مبسوطين يا جماعه بالطريقة اللى بشوفها دى ليه ماحولشى انى اكسب
حب الناس بأحترامى للجميع

وماعلشى انا هقول حاجه وماشى بيها طول عمرى

انا لا احترم من لا يحترمنى يعنى هتحترمنى هشيلك على راسى
مش هتحترمنى سورى فى الجزمه ولا هعبرك وده اللى تتأكد منه

يبقى ليه نتعامل مع بعض بالطريقة دى هو انا مش من حقى اقول رأى
وانت من حقك ترد وياسيدى يا تقنعنى ياقنعك مش لازم سيادتك
تبقى انت الصح واحنا دايما الغلط ولو حد اعترض اتريق عليه

هو ده الحب اللى بينكم لو هو ده يبقى برده انا آسف
مش هحترمك .....................

انا عامل التوبيك ده عشان دعوه للجميع نحب بعض ونحاول مانزعلشى بعض
الموضوع مش مستاهل احنا هنا كلنا عايزين نفيد ونستفيد يبقى ليه
كمية الحقد والكره اللى بشوفها من ناس هنا بجد نفسى حد يجاوبنى ليه

خلونى ولو مره واحده نبقى ناس متحضرين ونتكلم بأسلوب افضل
ونتكلم مع الناس بأحترام ياسيدى حتى لو انا جاهل ومابفهمشى
فهمنى انت كلمنى كويس عشان اسمعك مش تكلمنى بأسلوب زبالة
او تعاملنى وحش وعايزنى احترمك لا مش هحترمك والله ولا هعبرك

انا اتعلمت حاجه فى حياتى دى انى الواحد طول ماهو بيعامل الناس بأحترام
وبأسلوب كويس لو طلب عنيهم مش هيتأخروا

يبقى ليه مانتعملشى مع بعض بكل حب واخوه ماحدش واخد منها حاجه يا شباب
انت النهارده موجود هنا يا عالم بكره هتبقى فين
يبقى مش مستهله كره وحقد وغيره وحوارات فاكسانه بشوفها

انا آسف انى طولت بس كلمتين فعلا لو ماكنتش طلعتهم كنت هتخنق
وانا ماتعودتش اشوف حاجه كدا واقعد اتفرج وبس

وتعالوا نشوف بعض النصايح اللى تخلينا فعلا نحب بعض فى المنتدى
واتمنى معلشى انا آسف اقراها كويس واتعلم منها ولو حاجه بسيطة

- القاعدة الذهبيه في التعامل عامل الناس كما تحب أن يعاملونك ؛

الرفق فى التعامل الكلمة الحسنة لها تأثير جد كبير يجب أن نعي جيدا

أننا نتعامل عن طريق ( شبكة) حدود تعاملنا هو النص المكتوب وجب علينا أن ننقي

كلماتنا وأن نختارها برفق ... بذوق لكي لاتفهم بشكل خاطيء.

2 - القراءه الجيده للموضوع :

يجب علينا قراءة المواضيع والمشاركات جيدا قبل الرد عليها نحاول قدر الأمكان عدم الحياد عن صلب الموضوع.

3 - عدم الأستهانه بمواضيع الغير.

4 - تشكل ردود أفعالنا ما يقارب7% من مجموع تصرفاتنا لذا وجب علينا الحذر قبل أن تصدر منها أي ردة فعل قد نندم عليها مستقبلا

نكرر قراءة المواضيع مرة أو مرتين ثم نحاول تجنب الرد تحت تأثير موجة غضب.

5 - لكاتب الموضوع حسن النية عند قراءة الرد

هناك بعض الأعضاء من يكتب بعض الكلمات التي لا يقصد بها التجريح أو الاهانه بأمكاننا أن ننظر الى ما كتبه ذلك العضو من باب التلقائية
في الرد أو ما شابه أي أنه لا يجب علينا أن نفترض أن يكون المقصود من رده هو التجريح.

6 - عند الرد على مو ضوع أحد الأعضاء اطرح وجهة نظرك بدون فرضها على الغير

تذكر جيدا أن لكل شخص توجهاته الخاصه وأن لكل شخص نظرته الخاصة للأمور

ابحث عن الأخطاء وحاول أن تعالجها لكن دون أن تهجم الموضوع اشر اليها بما لا يعرض صاحب الموضوع للحرج.

7 - الأعضـــــــــاء الجــدد يجب أن نضعهم نصب أعيننا أن لا نبخسهم حقهم من الردود والتواصل لمجرد أننا لا نعرفهم بل يجب الوقوف بجانبهم .

جميعنا بدأنا هذا المشوار بخطوات وجميعنا يعلم أن أصعب تلك الخطوات كانت أول خطوة.

8 - حين يحدث خلاف في موضوع ما بين عدة أشخاص من الواجب علينا التخفيف
من حدة الخلاف والسعي الى فض النزاع وتسوية الأمور مهما كانت أسباب الخلاف
لا أن نشارك فى أشعال فتيل ذلك الخلاف.

9 -لا تتردد أو تتأخر فى ردك على أي موضوع تراه جديدا .